Rozana Lecture break k waqt hum log canteen Jaya krte the. Canteen ki coffee lecture ki sari thakan dur kr deti thi. Roz Coffee ke order se lekar uske deliver hone tak ke bich ek kadi behas shuru ho jati thi, iske pichey tha subject ke beyond ka idea jo ki sirf surya ko aata tha. Mai aur gourav usko wapas subject ki limits smjhane ki koshish krte the. Aur Isi behas ke bich ek halki halki c mehak achanak s apni aur khich leti thi. Vha s Ek Hath me white lab-coat liye aur dusre hath se julfe savarte huye ek ladki canteen mai Aya karti thi aur jb wo pass se gujarti to hmare table par tej awaz me ho rahi behas ek dam s mute c ho jati, aas pas sb kuch dheema dheema s ho jata tha. Wo aksar canteen ke left corner wali seat mai ja kar baith jati thi. uske haatho me kuch books hua karti thi, subjects konse the kuch yaad nahi kyuki uska chehra dekhne ki jaddo-jehad me sara dhyan sirf us par hi hota tha. Uske aane aur mere break khatm hone k bich bss 5 min ka waqt hota the aur tb tk Humne lagbhag coffee khatam kr li hoti thi, surya ke idea par charcha ab kal hogi ye decide hote hi hum Jane lagte the. Jaate jaate Mai uski aur dekhta tha aur wo window se bahar ki aur. Bas itni c hi humari mulakat hua karti thi.
Sardi ke iss mosam me aaj canteen ko hmari bahas ne garam kr rakha tha. Aaj Phale se bhi jyada unchi awaz thi kyuki surya ne jo idea diya tha usse related uske pass kai facts the, jo hum cut nahi kr pa rhe the. Uska idea crime world ki dukan ko shut down kr sakta tha.
Surya : ” simple idea hai, humko ek database bnana hoga, jo ki hota hi h police station me! “
Gourav : ” bahut bada database bn jayega ese to, is kaam me to kai saal lag jayega, app me data kb use hoga. “
Mai : ” maan le kr bhi liya humne, usme kitne saare paise barbad honge pata hai tujhe. Iske baad Tera idea fail ho gya fir??? “
Surya : ” idea fail hoga hi nahi, human psychology same hi work krti h. Ek traha ki mental state wale 95% human same hi work krta hai har incident Mai.”
Mai : ” Human change hote hai, same cheez nahi hoti!. “
Surya : ” kitne sare examples hai, kal hi maine library me book me padha tha.”
Gourav: ” lekin isko implement krne ke liye, app ka design kaise hoga. “
Aaj ke idea me surya humse aage hi chal raha tha. Kyuki is subject ka knowledge to hum me se kisi ko nahi tha. But programing Krna hum sikh hi rahi the to usi cheez me humari aur se usko fasane ki koshish chal rahi thi. Behas bahut aage jaa chuki thi aur surya ki khushi k maare awaz tej ho gai thi, aaj canteen m bethe lagbhag sabhi log ka focus humare shor par tha. Waise smjh to unko bhi nahi aa raha hoga. Hum abhi surya ko rokne ki koshish kr hi rahe the ki wo mehak jiska intazar mujhe rahta tha wo aana shuru ho chuki thi, maine mud kar canteen ke counter par dekha wo ladki order de rahi thi shayad, usne nascafe order ki thi. ab mera dhyan behas s dur hatke uski aur ho gya tha, sbhi awaaze aana band ho chuki thi. Har roj ki tarah wo mere samne s gujar rahi thi apni corner wali seat ke liye lekin, az wo humare table k samne aa kar ruk gai. Usne hmari taraf rukh kiya aur apni julfe aadatan thik ki aur tbhi maine uska chehra phali baar dekha halanki itni kareeb s dekhunga esa kabhi socha nahi tha. Uski chhoti c height thi par aankhe bahut badi thi. Aur mai un aankho me kho sa gya tha . Mai use buss nihare jaa rah tha ki Tbhi uske pankhuri se hontho se kuch shabd nikale aur me wapas real world me aagayya.
” Sir, aap galat hai. “
Ye achanak se aai awaz ne table ko shant kr diya tha, ab mere sath sath baki bhi usko dekhne Lage the.
Surya : ” kyu? “
” Apke bole har fact waise work nahi krte real world Mai. Crimes itni easily nahi pakade ja sakte. “
Gourav: ” yahi to mai smjha raha tha kb se!. “
Surya : ” apne suna bhi hai jo maine kaha hai? “
” Jbse canteen mai enter hui hu aap logo ki hi awaz sunai de rahi hai. Isse phale itna shor to nahi suna tha.apne jo bhi bola Maine suna but apko Forensic science bhi thodi padhni chahiye. “
usne hume( mujhe aur gaurav ko) support Kiya, aur uske pass valid facts the.
Mai bewkoofo ki traha bss usko hi dekhe jaa raha tha. Bhi surya aur gourav baat krte jaa rahe the. Behas ko ab Aram Dena tha kyuki next lecture ka time ho gya tha. Isliye hume Jana pad Raha tha. Meri baat wo dono mante to aaj mai sara din behas krne ko taiyar tha. Bus wo is tarha samne hoti.waise behas me shayad mai kuch bolta nahi !!
Surya mera bestfriend tha to use pta tha ki mai canteen mai us ladki ko dekhne k liye kai baar deri bhi kr deta hu. Isliye is moke ka usne fayda uthaya kyuki Mera dimag to us ladki k aane se overload ho gya tha, jisse pura system hang ho gya tha.
Surya : “vaise apka naam & course? “
” Aakriti, Forensic science 1st year & aap log?
Surya : ” Surya, computer science 2nd year “
” Ok sir ! “
Surya: ” kal agar apko time hoga to is behas ko continue krte hai. “
” Jee, sure! “
Surya ne apne mind ka use kiya, kyuki use pata tha mai to kbhi us ladki s baat krne wala nahi aur us ladki k chakkar me lecture me late jana padega. Professor ki daat roj khani hogi, Uska mind har jagha tej chalta tha. Waise mujhe to next day ka wait Krna bhari pad raha tha. Kyuki jisko mahino s bss aate jaate dekh raha tha wo kal humare table par sath hogi. Is intazar me raat ko neend nahi aai aur surya k phone Mai aaj uski gf s jyada mere message chale gye.
Us din wo aai aur hamari table par ese baithi ki vahi ki ho k rah gyi. Ab uski mehak aane par mujhe ghumna nahi hota tha, kyuki wo khud mere samne aa kar baith jaya karti thi.
Halanki uss Roz to uss behas ko shant kar diya gaya Lekin aaj bhi behas to hoya karti hai par uska shor mere kaano mai nahi jata, az bhi uske aane se sb shant ho jata hai. Haar cheez mano dheeme ho jati hai. Waise jis darr se surya ne use apne sath baithne k liya bola tha. Ab wo roj hi hota hai. Ab lecture m ham phale se aur bhi jyada late pahucha krte hain..